Fara beint í efni
JeES

Hraun­heim­ar - Leik­skóli

Upplýsingar

Hraunheimar er nýr einnar hæðar leikskóli við Bárugötu 22, hugsaður sem menntunar- og samfélagslegur kjarni nýrrar byggðar sem er að rísa í vesturhluta Þorlákshafnar. Leikskólinn er fjögurra deilda og tekur allt að 81 barn. Deildirnar koma saman í pörum og deila sameiginlegum náms- og stoðrýmum. Stórir gluggar og bein tengsl við leiksvæðin skapa náið samband milli inni- og útiveru. Lóðin er jafnframt skipulögð með framtíðarstækkun í huga, þannig að fullbyggður leikskóli geti rúmað allt að 128 börn.

Staðsetning
Þorlákshöfn
Kúnni
Sveitarfélagið Ölfus
Stærð
879,8 m²
Ár
2022–2025
Týpa
Innanhússhönnun, Opinberar byggingar

Lágreist og uppbrotin byggingin tekur mið af mælikvarða barnanna en fær um leið skýra ásýnd innan hins nýja hverfis. Náttúruleg timburklæðning gefur húsinu hlýlegt og áþreifanlegt yfirbragð, á meðan grænir gluggar og smáatriði skapa sterkan litrænan karakter. Stórir glerfletir, skjólgóðir inngangar og yfirbyggð útirými styrkja tengsl leikrýma við útisvæði og dagsbirtu.

Önnur verk­efni